ایلوملک آتون فضائی رابطہ غاتے مون آ دننگ نا گرج ءِ، صدر آصف علی زرداری نا ڈل اتون گپ وتران

اسلام آباد۔ 23 اپریل (اے پی پی) صدر مملکت آصف علی زرداری ایلو ملک آتون پاکستان نا فضائی رابطہ غاتے مون آدننگ نا گرج آ زور شاغسا پارینے کہ السی رابطہ غاتے ودفسا پاکستان نا سیل و سواتی بشخ انا لائخی تیان پبی فائدہ ہرفنگ مریک۔ ایوان صدر نا پریس ونگ آن جاری بیان نا رداٹ صدر مملکت داخیال آتا درشانی ءِ سے شنبے نادے آ داڑے ایوان صدر اٹی ایئر ایشیاایوی ایشن گروپ نا ڈل اتون اوڑدہی ٹی گپ وتران کرسا کرے۔ اوپارے کہ پاکستان اسہ بھلو مارکیٹ اسے، ملک اٹی سیل و سوات خاص کر مذہبی سیل و سوات نا گیشتر گمان ساڑی ءِ۔ صدر مملکت پارے کہ پاکستانی اسٹاک مارکیٹ اٹی زرکاری نا گچین وارخواہی ساڑی ءِ۔ آصف علی زرداری پارے کہ زرکارپاکستان اسٹاک ایکسچینج اٹی زرکاری نا وارخواہی تیان فائدہ ہرفر۔ ڈل صدر مملکت ءِ ایئر ایشیا ایوی ایشن گروپ واونا فلائٹ آپریشن نا بارواٹی پارے۔