اسلام آباد۔ 23 اپریل (اے پی پی) وزیراعظم محمد شہباز شریف خراج کیس آتیٹی دانستہ التوانا نوٹس ءِ ہلسا چیف کمشنر ان لینڈ ریونیو اسلام آباد و اوڑتون تعلقدار غٹ آفیسر آتے معطل کننگ و انکوائری نا پرمان کرینے۔ سے شنبے نادے آ وزیراعظم آفس نا میڈیا ونگ آن جاری بیان نار داٹ وزیراعظم چیف کمشنر ان لینڈریونیو اسلام آباد و اوڑتون تعلقدار غٹ آفیسر آتے معطل کرسا دمدستی انکوائری نا پرمان کرینے۔ وزیراعظم حکومت ءِ سنبھالنگ تون ایف بی آر اصلاحات نا زوت و دمدستی نفاذ نا پارت جاری کرسا ذاتی وڑاٹ داعمل نا چاروکی نا فیصلہ ءِ کریسس۔ بیان نا رداٹ خراج ٹربیونل آتیٹی داوخت آ حکومت نا سد آ ارب روپئی نا کیس زیر سماعت ءُ، وزیراعظم چیف جسٹس آف پاکستان آن دا کیس آتا زوت سرتننگ نا درخواست کریسس، ساڑی ہی ٹی اسلام آباد اٹی ایف بی آر نا وکیل نا کنڈآن عدالت اٹ ہنداوڑ اسہ کیس اسے نا تاریخ اٹ تاخیر نا خواست آ وزیراعظم نوٹس ہلک۔ بیان نارداٹ وزیراعظم تعلقدار کمامدارآتے دمدستی وڑاٹ واقعہ نا انکوائری نا پارت ہم کرینے۔ وزیراعظم محمد شہباز شریف پارے کہ قومی خزانہ نا سد آ ارب روپئی کانودی جھیڑہ غاتا سوب آن اختہ مسنو، دا بابت اسہ لاپرواہی اسے ہم منپرہ۔ تینا الس تون کروک آ قول انا رداٹ خراج نظام اٹی اصلاحات نا تینٹ چاروکی ءِ کننگ اٹی اُٹ۔ ملک و قوم انا اسہ اسہ پائی ءِ بچفنگ و محصولات آتیٹی ودکی کن دے و نن خواری کروئی مریک۔
