اسلام آباد۔ 22 اپریل (اے پی پی) بنجائی وزیر خزانہ و محصولات محمد اورنگزیب ڈیرہ اسماعیل خان اٹی کسٹمز نا ملازم آتیا فرائض منصبی ٹی سم کاری نا واقعہ نا ترندی اٹ مذمت ءِ کرینے۔ بنجائی وزیر خزانہ سم کاری نا واقعہ ٹی کسٹمز ڈیپارٹمنٹ نا ملازم آتا شہیدی آ صدمہ، ڈکھیائی نا درشانی ءِ کرے۔ وزارت خزانہ نا کنڈآن جاری بیان نا رداٹ اوپارے کہ دا سخت وخت اٹی نن پورو وڑاٹ پدسلوک آ خاہوت آتون سلوک اُن۔ وزیرخزانہ پارے کہ شہید آتا قربانیک زیان مفسہ،غیرکانودی اسمگلنگ کروک آتون سختی اٹ مو ن تننگک۔ اوپارے کہ ایف بی آر و پاکستان کسٹمز اسمگلنگ نا چٹفنگ کن تینا پبی کوشست آتے برجاتخرہ۔
