اسلام آباد۔ 22 اپریل (اے پی پی) بنجائی وزیر امور کشمیر و گلگت بلتستان و سیفران انجینئر امیر مقام اسلام آباد اٹی اہم سرکاری مصروفیات آتا سوب آن 24 اپریل آ گلگت بلتستان نا دورہ ءِ پدبٹے۔ وزارت امور کشمیر نا کنڈآن جاری بیان نا رداٹ بنجائی وزیر زوت تینا دورہ ءِ گلگت بلتستان نا پوسکن آ شیڈول نا پڑو ءِ کیک۔ دورہ ٹی او گورنر گلگت بلتستان ، وزیراعلیٰ گلگت بلتستان، کابینہ نا باسک، چیف سیکرٹری و بڑزکو سرکاری آفیسر آتون اوڑدہی کیک۔ بنجائی وزیر پارے کہ او گلگت بلتستان نا الس نا ویل آتا بارواٹی بڑزکوکمامدارآتون ہیت کیک۔
