اسلام آباد۔ 22 اپریل (اے پی پی) بنجائی وزیر تعلیم و کسبی تربیت ، سائنس وٹیکنالوجی ڈاکٹر خالد مقبول صدیقی پارینے کہ دنیا نا اسہ قوم اس ہم تعلیم و پٹ وپول آ زرکاری آن بیدس شون ہلنگ کپک، پاکستان و برطانیہ نا نیام اٹ آخبت اٹ تعلیم و ایلو بشخ آتیٹی کمکاری ٹی پین ودکی مریک۔ داخیال آتا درشانی ءِ او دوشنبے نادے آ داڑے ہائیر ایجوکیشن کمیشن اٹی وائس چانسلرز فورم اٹی اڈ ہلوک دود آن تران کرساکرے۔ دودا ٹی مچ آ پاکستان نا یونیورسٹی تا وائس چانسلر آک بشخ ہلکر وخت اس کہ برطانیہ نا سرکڑدہ یونیورسٹی، ایجوکیشن چیمپیئنز و چاہندار آتا اسہ بھلو ڈل اس ہم برطانوی حکومت نا انٹرنیشنل ایجوکیشن چیمپیئن سرسٹیوسمتھ نا کماشی ٹی شریک مس ہرا22 اپریل آن 26 اپریل اسکان پاکستان نا پنچ دے ئی دورہ ءِ کننگ اٹی ءِ۔
