اسلام آباد۔ 22 اپریل (اے پی پی) وزیراعظم نا کوآرڈی نیٹر موسمیاتی بدلی و چاگڑدی رابطہ رومینہ خورشید عالم تون سیودی چلڈرن آرگنائزیشن نا کنٹری ڈائریکٹر اوڑدہی کرے۔ اوڑدہی ٹی باکوٹی بروک آ کاپ 29 اٹی زہمی چناتا بشخ ہلنگ آ گپ وتران کننگا۔ اوداہیت آ زور شاغا کہ ک پاکستان چناک ہرا موسمیاتی تنکی آن زہمی مسنو، اوفتے تینے جہانی موسمیاتی سرکڑدہ غاتے حالیت آتیان بایدے معلومدار کیر۔ جہانی …
وزیراعظم نا کوآرڈی نیٹر موسمیاتی بدلی و چاگڑدی رابطہ تون سیودی چلڈرن آرگنائزیشن نا کنٹری ڈائریکٹر نا اوڑدہی
گیشتریں ھال
اسلام آباد۔ 22 اپریل (اے پی پی) وزیراعظم نا کوآرڈی نیٹر موسمیاتی بدلی و چاگڑدی رابطہ رومینہ خورشید عالم تون سیودی چلڈرن آرگنائزیشن نا کنٹری ڈائریکٹر اوڑدہی کرے۔ اوڑدہی ٹی باکوٹی بروک آ کاپ 29 اٹی زہمی چناتا بشخ ہلنگ آ گپ وتران کننگا۔ اوداہیت آ زور شاغا کہ ک پاکستان چناک ہرا موسمیاتی تنکی آن زہمی مسنو، اوفتے تینے جہانی موسمیاتی سرکڑدہ غاتے حالیت آتیان بایدے معلومدار کیر۔ جہانی یورم ارض ءِ مون آ تخسا موسمیاتی بدلی نا بارواٹی وزیراعظم نا کوآرڈی نیٹر رومینہ خورشید عالم ہم چناتا فعال کڑد آ زور شاغا کہ او تینا بھلاتے قومی موافقت نا ڈٹ(این اے پی) نا رداٹ پلاسٹک نا تھیلہ غاتا کاریم اٹ اتنگ ءِ توننگ نا تلقین کیر۔ داہیت آ امنا کننگاکہ وزارت نا موسمیاتی ایجنڈا ءِ قومی طے مروک شریدار(این ڈی سیز) نا رداٹ چناتا کمک اٹ مچ آ ملک اٹی مون آ دننگک۔ ہڑتوم آ فریق آک موسمیاتی پالیسی نا ٹہیفنگ و موسمیاتی چیلنج آتون مون تننگ کن ڈٹ بندی ٹی چناتا بشخ ہلنگ نا ودوک آ کڑدآ امنا کریر۔
