اسلام آباد۔ 22 اپریل (اے پی پی) پاکستان و ایران ہڑتوم آ کنڈآتا تعلقداری خاص وڑاٹ واپار ، توانائی، رابطہ، دودوربیدہ و السی کہول آ رابطہ غاتیٹی کمکاری ءِ ودفنگ نا عزم انا درشانی و بروک آ پنچ سال اٹی واپاری کچ ءِ 10 ارب ڈالر اسکان ودفنگ آ امنا کرینو۔ وزیراعظم آفس نا میڈیا ونگ آن جاری پریس ریلیزنا رداٹ وزیراعظم محمد شہباز شریف و اسلامی جمہوریہ ایران نا صدر ڈاکٹر سید ابراہیم رئیسی نا نیام اٹ دوشنبے نادے آ وزیراعظم ہاؤس اٹی اوڑدہی مس۔ اوڑدہی ٹی ہڑتوم آ کنڈآتا وزیرو بڑزکو کمامدارآک ساڑی ئسر۔ ہڑتوم آ راہشونک ہڑتوم آ کنڈآتا تعلقداری نا دنگ آ گپ وتران کریر و اہم علاقائی و جہانی پیش رفت آ گپ وتران کریر۔ پاکستان وایران نا نیام اٹ تعلقداری نا تاریخ  ءِ مون آتخسا ہڑتوم آ راہشونک ہڑتوم آ کنڈآتا تعلقداری، خاص وڑاٹ واپار، توانائی، رابطہ، دودوربیدہ و الس تون الس نا رابطہ غاتا بشخ آتیٹی کمکاری ءِ بھلو کچ اسے آ ودفنگ نا عزم انا درشانی ءِ کریر۔ ہڑتوم آ فریق آک بروک آ پنچ سال اٹی ہڑتوم آکنڈآتا واپار نا کچ ءِ 10 ارب امریکی ڈالرزاسکان ودفنگ آامنا کریر۔

متعلقہ مضامینمصنف کی طرف سے مزید