اسلام آباد۔ 22 اپریل (اے پی پی) وزیرخزانہ محمد اورنگزیب پارینے کہ پاکستان آئی ایم ایف آن پوسکن وام ہلنگ نا خواہندار ءِ، خصوصی زرکاری سہولت کونسل نا جوڑ کننگ نا کمک اٹ پیشن نا ملک آن زرکاری ءِ مون آ دننگ انگ ءِ، روپئی داسہ سوگو ءِ و کبینی بروک آ سال انا ایسر اسکان سنگل ڈیجٹ اسکان بننگ نا گمان ءِ، میکرواکنامک عوامل پاکستان نا حق اٹ بدل مننگ ءِ انتئے کہ دا تینا پسماندہ زرگزران ءِ مون آ دننگ کن کاریم کننگ ءِ۔ داہیت ءِ او متحدہ عرب امارات نا انگریزی اخبار‘‘ دی نیشنل نیوز’’ ءِ واشنگٹن اٹی تروک آ انٹرویو ٹی پارے۔ اوپارے کہ آئی ایم ایف اسہ بھلو و مریس پروگرام اسے آ سجفنگ آ رضامندی نا باندات اٹی بھاز قبول کننگ ءِ، خراج و توانائی تون اوار چندی بشخ آتیٹی اصلاحاتی ایجنڈا ءِ مون آدننگ کن پاکستان ءِ کم از کم مسہ سال انا کمک درکار مریک۔ وزیرخزانہ پارے کہ میکرواکنامک عوامل پاکستان نا حق اٹ بدل مننگ ءِ انتئے کہ دا تینا پسماندہ زرگزران ءِ مون آ دننگ کن کاریم کننگ ءِ، پاکستان نا کرنسی سوگو مسنے و کبینی بروک آ سال انا ایسر اسکان سنگل ڈیجٹ نا کہول آ تمنگ نا کسر آٹی ءِ۔ وزیرخزانہ محمد اورنگزیب پارے کہ پاکستان جہانی مالیاتی فنڈ آن پوسکن وام ہلنگ نا کنڈآ ہِننگ ءِ، پاکستان نا کرنسی آخرکار سوگو مسنے و کبینی نا کچ بروک آ سال انا ایسر اسکان کم مرسا سنگل ڈیجٹ نا کہول آ بننگ نا کنڈآ ہِننگ ءِ۔ اوپارے کہ آئی ایم ایف اسہ بھلو و مریس پروگرام اسے آ سجفنگ کن رضامندی ظاہرکرینے۔ اوپارے کہ وام تا گڈیکو سرجم آتا تعین ءِ ہمووخت آ کننگک ہراتم آئی ایم ایف نا مشن بروک آ تُو اسلام آباد نا دورہ ءِ کیک۔ وزیر خزانہ پارے کہ پاکستان نا کم وود 230 ملین آبادی نا کم و ود اِرا تہائی آبادی 30 سال آن کم وئی نا ءُ ولے ملکی زرگزران ءِ بھاز انگا ویل مون تروک ءِ ولے ساڑی حکومت بننگ تون ملکی زرگزران ءِ گچینی نا کنڈآ دننگ کن اسہ روڈ میپ اس جوڑ کرینے۔
