‘‘ارتھ ڈے ’’ ننے تینا سیارہ نا رکھ اکن اسیجائی زمواری نا یات ترفک، وزیراعظم شہباز شریف

اسلام آباد۔ 22 اپریل (اے پی پی) وزیراعظم محمد شہباز شریف پارینے کہ‘‘ارتھ ڈے ’’ ننے تینا سیارہ نا رکھ اکن اسیجائی زمواری نا یات ترفک، کاربن و چاگڑدی اثرآتے کم کننگ نا گرج ءِ۔ دوشنبے نادے آ تینا اسہ ٹویٹ اسے ٹی وزیراعظم پارے کہ پاکستان جہانی برادری اتون اواری اٹ ‘‘ارتھ ڈے ’’ اڈتننگ ءِ۔ اوپارے کہ دادے ننے ساڑی آ و بروک آ چین تیکن تینا سیارہ نا رکھ اکن ننا اسیجائی زمواری نا یات ترفک۔ وزیراعظم  پارے کہ ببو نن تینا کوشست آتیٹی چاگڑدی وڑاٹ زیات باخبر مننگ نا کوشست کین و تینا ہڑدے ئی زند اٹی چاگڑدی گچینی کن گام گیج و کاربن و چاگڑدی اثرآتے کم کننگ نا عزم کین۔