اسلام آباد۔ 22 اپریل (اے پی پی) وزیراعظم محمد شہباز شریف تون اسلامی جمہوریہ ایران نا صدر ڈاکٹر سید ابراہیم رئیسی (اینو) دوشنبے نادے آ وزیراعظم ہاؤس اٹی اوڑدہی کیک۔ وزیراعظم آفس نا میڈیا ونگ آن جاری بیان نا رداٹ ایران و پاکستان نا نیام اٹ ڈل آتا کہول آ گپ وتران نا دور ہم مریک۔ وزیراعظم ہاؤس آ سرمننگ آ ایرانی صدر نا اعزاز اٹی گارڈ آف آنر پیش کننگک، ایرانی صدر و وزیراعظم شہباز شریف وزیراعظم ہاؤس نا سوزہ زار اٹی ارتھ ڈے انا رداٹ نیال خلیرہ۔ ہڑتوم آ راہشونک ایران وپاکستان نا نیام اٹ چندی بشخ آتیٹی کمکاری نا مفاہمتی یات داشت آتیا دستخط نا دود اٹی بشخ ہلیرہ۔ ہڑتوم آ راہشون اسلام آباد نا اسہ شاہراہ اسے ایران ایوینیو نا پن تننگ نا دود اٹی ہم بشخ ہلیرہ۔ ہڑتوم آ راہشونک اوار پریس ٹاک ہم کیرہ۔ وزیراعظم ایرانی صدر و اونا ڈل انا اعزاز اٹی دے انا اِرغ اس ہم ایتک۔

متعلقہ مضامینمصنف کی طرف سے مزید