پوسکن آ ٹیکنالوجی ءِ تینا کننگ آن بیدس ملکی زرگزران نا گچینی ناممکن ءِ، وزیر مملکت آئی ٹی و ٹیلی کام

لاہور۔ 19 اپریل (اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ پارینے کہ پوسکن آ ٹیکنالوجی ٹی شونداری آن بیدس زرگزرانی شونداری نا دوئی کننگ ناممکن ءِ، وزیراعظم محمد شہباز شریف آئی ٹی نا بشخ اٹی شونداری نا خواہندار ءِ، پاکستان نا 15 کروڑ ورناتے کسب کار کننگ اسہ چیلنج اسے۔ جمعہ نادے آ ایکسپو سینٹر لاہور اٹی آئی ٹی سی این ایشیانمائش نا ارٹ میکو دے گلوبل ڈیجیٹل سمٹ انا بنائی دود آن تران کرسا اوپارے کہ پاکستان تون اوار مچ آ دنیا ٹی ڈیجیٹل انقلاب بسنے، دا ڈیجیٹل انقلاب ہربندغ ءِ فائدہ تسنے، پوسکن آ ٹیکنالوجی ءِ تینا کننگ آن بیدس ملکی زرگزران نا گچینی ناممکن ءِ  ، ننا مسخت پاکستان ءِ ڈیجیٹل زرگزران اٹ زرکاری کن اسہ پرکشش ءُ مرکز اسے نا وڑاٹ پیش کننگ ءِ۔ اوپارے کہ داوڑنا نمائش نا اڈتننگ دا چرجوئی ٹی بھاز المی ءِ، آئی ٹی سی این نا مسخت درملکی زرکار، پالیسی ساز، و کاروباری راہشون تے بصیرب ، آزموندہ، و رابطہ غاتے استوار کننگ کن یکجا کننگ ءِ، دا فورم پاکستانی فرم و جہانی زرکارآتا نیام اٹ خلیج ءِ چٹفنگ اٹ کمک ایتک ہراڑآن اسہ روشنا آخبت اسے نا کنڈآ کسر آوار مریک۔