اسلام آباد۔ 19 اپریل (اے پی پی) بنجائی وزیر کانود و پارلیمانی امور اعظم نذیر تارڑ پارینے کہ صدارتی تران آ شرہ کن تحریک برجاسیشن نا ایجنڈاغا اتنگک ولے اپوزیشن پارلیمنٹ نا اسیجائی دیوان آن صدارتی تران نا وخت آ ہرارویہ ءِ اختیارکرے او افسوزناک ءِ۔ جمعہ نادے آ قومی اسمبلی ٹی قائد حزب اختلاف عمرایوب اعتراضی ٹک آپارے کہ آئین نا آرٹیکل 56 صدراتی تران نا بابت ءِ ہرانا رداٹ اسمبلی نا ہر پارلیمانی سال انا بناآ صدر مملکت پارلیمنٹ نا ہڑتوم آ ایوان تیان تران کیک۔ قومی اسمبلی نا قاعدہ و ضابطہ نا قاعدہ 60 انا رداٹ صدارتی تران آ شرہ کننگک ہراڑکن اسمبلی ٹی شرہ کن تحریک ایجنڈاغا اوار اف دا آئین نا خلاف ورزی ءِ ہرانا ورندی ءِ ترسا بنجائی وزیر کانود و پارلیمانی امور اعظم نذیر تارڑ پارے کہ قومی اسمبلی نا اولیکو دیوان برجاءِ۔ دیوان غیرمعینہ مداسکان کن ملتوی مفننگ ءِ۔ ایجنڈاغا آئٹم اتنگ سلوک ءِ۔ داآئین آن روگردانی اس اف۔ صدارتی تران آ شرہ نا تحریک اس اتینہ۔ اوپارے کہ ملک انا سروک مملکت نا تران نا وخت آ ہرارویہ نا درشانی ءِ کننگا او افسوزناک ءِ۔
