بیجنگ۔ 19 اپریل (اے پی پی) چین اٹی پاکستان نا سفیر خلیل ہاشمی دارالحکومت بیجنگ اٹی ہواوے نانمائشی مرکز نا دورہ ءِ کرے و اونا ڈٹ و پاکستان تون شریداری آ گپ وترا ن کرے۔ پاکستانی سفیر خلیل ہاشمی نا بننگ آ اودے جم و جوش اٹ بخیرکننگاو اودے پاننگاکہ پاکستانی شاری تا اسہ بھلو کچ اس ہواوے ٹی ملازمت کیک۔ داوخت آ کمرشل قونصلر غلام قادر، سائنس اینڈ ٹیکنالوجی قونصلر خان محمدوزیر و سفارت خانہ نا ایلو کمامدارآک ہم ساڑی ئسر۔ پاکستانی سفیر خلیل ہاشمی دورہ غان پد سوشل میڈیا پلیٹ فارم ایکس آ پارے کہ اودے جنگ اٹی ہواوے نمائشی نا مرکز نا دورہ ءِ کرسا و پاکستان تون تینا ڈٹ و شریداری آ ہیت کرسا خوشی مسنے۔ دابنگٹ خوشی مس کہ ہواوے ٹی ملازمت کروک آ درملکی شاری تا غٹ آن بھلا گروپ پاکستانی شاریءِ۔ داکان بیدس پاکستانی سفیر خلیل ہاشمی چائنا گریٹ وال انڈسٹری کارپوریشن نا چیئرمین ہوژونگ مین تون اوڑدہی کرے و تین پہ تینی است خواہی نا امور آ گپ وتران کرے۔ اوایکس آ پارے کہ چائنا گریٹ وال انڈسٹری کارپوریشن نا چیئرمین ہوژونگ من اتون خوشگوار و نتیجہ خیز گپ وتران مس۔ اوپارے کہ او ساڑی آ کمکاری ءِ پین مون ا ٓدننگ نا چاری ءِ۔
