کوئٹہ۔ 18 اپریل (اے پی پی)پاکستان مسلم لیگ (ن) زالبول ونگ انا صوبائی راہشون فاطمہ خان کوئٹہ تون اوار مچ آ بلوچستان اٹی ترند انگا پِر و نوکاپی دیر تیان مروک آ جونی و مالی نسخان تیا است ہسونی نا درشانی ءِ کرسا پارینے کہ مسلم لیگ (ن) نا حکومت زہمی تے مشکل نا داساہت اٹی تنیااِلیپک اوفتا بحالی کن غٹ دوئی وسیلہ غاتے کاریم اٹ اتنگک۔ داڑے جاری مروک اسہ بیان اسے ٹی فاطمہ خان پارے کہ موسمیاتی بدلی نا سوب آن ترند انگاپِرتا سوب آن کوئٹہ تون اوار بلوچستان نا ایلو علاقہ غاتیٹی الس ناجونی و مالی نسخان مسنے پِر و نوکاپ قدرتی آفت ءُ پِرتیٹی رکھی گام گیج و احتیاطی تدابیراختیار کرسا نسخان تے کم کننگ مریک۔ اوپارےکہ ساڑی آ پِرآک مچ آ صوبہ ٹی بھسکاری کرینو چندی نہادی انسانی جون تا زیان تون اوار اوار سلوک فصل ، باغ و نہادی ملکیت آک بھاز زہمی مسنو مسلم لیگ (ن) زہمی تا غم اٹی بریبر نا شریک ءِ۔ اوپارے کہ مسلم لیگ (ن) نا بنجائی حکومت و بلوچستان نا سیوتی حکومت نوکاپ زہمی تے دا مشکل نا ساہت اٹی تنیا اِلیپسہ زہمی تا بحالی کن غٹ دوئی وسیلہ غاتے کاریم اٹ اتنگک۔ اوالس آن ہم خواست کرے کہ او نوکاپی دیر تیا تجاوزات وکوزہ غان پاناد کیر تانکہ نسخان تیان بچنگ مرے۔
