گوازی گراسے نا لائخی تے  تالان کننگ و مون آ اتنگ اٹ کوچ انا اہم ءُ کڑد اس مریک، ڈائریکٹر جنرل گوازی آصف لانگو

کوئٹہ۔ 18 اپریل (اے پی پی)ڈائریکٹر جنرل گوازی بلوچستان آصف لانگو پارینے کہ بلوچستان اٹی گوازی تا شونداری کن مربوط نظام اس جوڑ کننگ ءِ تانکہ صوبہ ٹی گو ازی تے مون آ دننگ مرے، داخیال آتا درشانی ءِ او کوچ آتا مروک  آ اسہ دیوان اسے آن تران کرسا کرے۔ دیوان اٹی نثار خان خلنجی، منصور احمد درانی، محمد گل لانگو، محمد اکبر، ولایت حسین، شائستہ لغاری، نعمان لودھی و عبدالغنی وایلوفک بشخ ہلکر دیوان اٹی کوچ آک ڈی جی گوازی ءِ تینا وسیلہ غاتیان معلومدار کریر ہراڑآ ڈائریکٹر جنرل گوازی کوچ آتون اوار غٹ ملازم آتا محکمانہ ترقی و کوچ آتا ویل آتا ایسری کن زوت گام گیج کننگ نا باوری کرفے۔ آصف لانگو پارے کہ ننا ڈیپارٹمنٹل  کوچ آک ننا نہادی سرمایہ غاک ءُ ہراکہ محکمہ ٹی تمبہ نا حیثیت تخرہ، بلوچستان نا گوازی گر آتا سرسہبی تا سہراکوچ آتےکاہک گوازی گراسے نالائخی تے تالان کننگ ومو ن آ اتنگ اٹ کو چ انا اہم کڑد اس مریک۔ اوپارے کہ مچ آ صوبہ ٹی گوازی تا مقابلہ غاتا اڈتننگ کن محکمہ گوازی غٹ دوئی وسیلہ غاتے کاریم اٹ اتنگ ءِ تانکہ ورناتے تینا لائخی تا جوہرءِ نشان تننگ نا موقع ملنگ کے۔