راولپنڈی۔ 18 اپریل (اے پی پی) اینٹی نارکوٹکس فورس منشیات اسمگلنگ نا بڑخلاف 6 کارروائی تیٹی 60 کلوگرام منشیات دوئی کرسا 5 دوبہ دار آتے دزگیرکرے۔ ترجمان اے این ایف نا رداٹ راولپنڈی ٹی کوریئر آفس اٹی سعودیہ غا گدریفوک آ پارسل آن 960 گرام آئس دوئی کننگا۔ اسلام آباد بالی پٹ آ کارگو آفس اٹی برطانیہ غا گدریفوک آ پارسل آن 515 گرام ہیرون دوئی کننگا۔ ایم ٹو سرگودھاٹی اِرا دوبہ دار آن 24 کلوگرام افیم و 30 کلوگرام چرس دوئی کننگا۔ ایکسپریس ہائی وے اسلام آباد آ اِرا دوبہ دارآن 2.4 کلوگرام چرس دوئی کننگا۔ خیبرآن 1 کلوگرام چرس دوئی کننگا۔ کراچی ٹی کینٹ سٹیشن نا خڑک دوبہ دار آن 1 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف منشیات تورا یکٹ انا رداٹ مقدمہ نوشتہ کرسا جاست وپاست نا بناءِ کننگانے۔
