اسلام آباد۔ 18 اپریل (اے پی پی) وزارت مذہبی امور سرکاری اسکیم نا پیشن ناملک رہینگوک پاکستانی تا آسراتی کن مچ آملک اٹی کوآرڈی نیٹر پن کرینے۔ ترجمان نا رداٹ وزارت مذہبی امور سمندر پار رہینگوک حاجی تے پارین کہ او تینا تعلقدار حج آفیسر تون رابطہ ٹی مریر و ’’پاک حج ایپ‘‘ آ تینا حج جہاز انا شیڈول ءِ چیک کیر، جہازآن دہ دے مست یا تینا تعلقدار حج آفیسر نا پارت آتا رداٹ او پاکستان آ سرمریر و تینا پاسپورٹ ءِ جمع کرفر۔ اوفتےپارت کننگانے کہ سفرحج آن مست او تینا تعلقدار حاجی کیمپ اتون رابطہ تخر، ہموکان المی تربیت، پیکج اٹ اوار سفری بیگ و سکارف پین پین دوئی کیر، و ویکسین خلفنگ تون اوار اوار تینا دوائی تا پیکنگ ءِ ہم کرفر۔ وزارت مذہبی امور پیشن نا ملک رہینگوک سرکاری اسکیم نا حاجی تیکن کراچی و کوئٹہ ٹی اسسٹنٹ ڈائریکٹر زاہد حسین کٹپر، پشاور، ملتان ، فیصل آباد و سیالکوٹ کن اسسٹنٹ ڈائریکٹر غلام مصطفی ، اسلام آباد و رحیم یارخان کن اسسٹنٹ ڈائریکٹر بہادر حسین وخت اس کہ لاہور و سکھرکن حافظ ماجدعلی ءِ کوآرڈی نیٹر پن کرینے۔
