نہہ مئی نا جلہوگیر اینو ملکی فائدہ غاتیا جلہوگیر ءِ، عطاء اللہ تارڑ

اسلام آباد۔ 18اپریل (اے پی پی) بنجائی وزیر حوالکاری و شینکاری عطاء اللہ تارڑ پارینے کہ 9 مئی نا جلہو گیر اینو ملکی فائدہ غاتیا جلہو گیرءِ، ملکی فائدہ غاتا برخلاف ہیت کروک آپاکستان نا دشمن ءِ، تینا سیاسی فائدہ و اناءِ ملکی فائدہ غاتیا اولیت تننگ قابل مذمت و افسوزناک ءِ۔ پنچ شنبے نادے آ داڑے میڈیا تون گپ وتران کرسا بنجائی وزیر حوالکاری پارے کہ تحریک انصاف اول ملکی فائدہ نا برخلاف بیان تس ولدا اوڑآن لاتعلقی نا درشانیءِ کرے، داپی ٹی آئی نا متکن آ وطیرہ ءِ، اونا لیڈر مہالو آن کرپشن نا مقدمہ غاتے تون مون تننگ ءِ۔ اوپارے کہ ملک اٹی زرکاری پاکستان نا دشمن تے کیدنگ مفننگ ءِ، داوڑنا زموارآتیکن ہدایت نا دعاکینہ، کاش دا ملک انا فائدہ غاتیٹی ہم ہیت کننگ کے۔ اوپارے کہ سیاسی مخالفت اٹی ملک دشمنی جوان اف، نی ننے آ تنقید کہ ولے پاکستان آ تنقید ناقابل برداشت ءِ۔ بنجائی وزیر حوالکاری پارے کہ ننا سنگت ملک آک پاکستان اٹی زرکاری و کمکاری نا مخ تفی و سنگتی نا دوءِ مون آ کننگ ءُ، پاکستان انشاء اللہ شون ہلیک، نن تینا سنگت ملک آتون رابطہ غاتے ودفنہ۔