پاکستان اٹی سیمی کنڈکٹر انڈسٹری کن بھلو لائخی اس ساڑی ءِ، بنجائی وزیر حوالکاری عطاء اللہ تارڑ نا سیمی کنڈکٹر سمٹ 2024 ء آن تران

اسلام آباد۔ 18 اپریل (اے پی پی) بنجائی وزیر حوالکاری و شینکاری عطاء اللہ تارڑ سیمی کنڈکٹر ٹیکنالوجی آ چکار کننگ نا گرج آ زور شاغسا پارینے کہ پاکستان اٹی سیمی  کنڈکٹر انڈسٹری کن بھلو لائخی اس ساڑی ءِ، ملک اتون پبی قدرتی وسیلہ، ورنا، کسب کار افرادی قوتو اہم جغرافیائی محل وقوع ءِ، حکومت زرکارآتے اتنگ و انڈسٹری نا شونداری ٹی کمک کن المی آسراتی فراوان کننگ کن سنبرینگوک ءِ۔ سیمی کنڈکٹر انڈسٹری ٹی کمکاری آن ملک ءِ جہانی زرگزران تون گنڈنگ مریک۔ داہیت ءِ او پنچ شنبے نادے آ داڑے ہندی ہوٹل اٹی سیمی کنڈکٹر سمٹ 2024 ء آن تران کرساپارے۔ بنجائی وزیر حوالکاری پارے کہ زرکاری ءِ اتنگ کن خصوصی زرکاری آسراتی کونسل جوڑ کننگا، نن ملک اٹی کاروباری آسانی و جدت ءِ مون آ دننگ کن سنبرینگوک اُن، پاکستان اٹی پبی قدرتی وسیلہ ساڑی ءِ، نن دنیا ن اپنچ می بھلا جمہوریت اُن و دنیا ءِ پاننگ کن ننتون اسہ گچین ءُ سٹوری اس ساڑی ءِ۔ اوپارے کہ انسانی وسیلہ ننا غٹ آن بھلا سرمایہ غاک ءُ، ننا ملک انا 68 درسد آبادی ورناتیاتالان ءِ ، دنیا ٹی تینا سٹریٹجک محل و قوع آ ننے بھاز گمر ءِ ، پاکستان دنیا نا سنگم آ واقعہ ءِ۔