اسلام آباد۔ 17 اپریل (اے پی پی) بنجائی وزیر داخلہ محسن نقوی مچ آملک اٹی اووربلنگ آ زیروٹالرنس پالیسی تینا کننگ نا پرمان کرسا پارینے کہ داٹی اوار مخلوق نا برخلاف کارروائی کننگے۔ تینا بیان اٹی وزیرداخلہ پارے کہ اووربلنگ ءِ ہچ ءُ حالیت اسے ٹی سگنگ پننگک۔ مچ آپاکستان اٹی اووربلنگ اٹ اوار عملہ نا برخلاف بے پرخ ایکشن ہلنگک، اووربلنگ آ ہچ ءُ سمجھوتہ اس مفک۔ بنجائی وزیر داخلہ محسن نقوی مچ آملک اٹی بجلی دُز آتا برخلاف کریک ڈاؤن ءِ ترند کننگ نا پرمان ہم کرے۔ اوایف آئی اے نا آفیسر آتے اووربلنگ و بجلی دُز آتا برخلاف 100 درسد کارکڑد نشان تننگ نا پارت کرے۔ وزیرداخلہ محسن نقوی پارے کہ اووربلنگ الس تون ظلم آنبارءِ داٹی اوار عملہ ہچ ءُ رعایت اسے نا حقدار افس ۔ اووربلنگ نا باندات آالس ءِ دمدستی ریلیف تننگے۔ بجلی دُزی نا واقعہ غاتامون ءِ توننگ کن بلوچستان و خیبرپختونخوا نا حساس علاقہ غاتیٹی ایف آئی اے ءِ سیکورٹی فراوان کننگک۔
