اسلام آباد۔ 17جون (اے پی پی) پنی چاہندار اقتصادیات ڈاکٹر گل فرازاحمد پارینے کہ حکومت سی پیک نا رداٹ توانائی نا ڈٹ آتیا چکار تخنگ ئِ۔ ہفتہ نا دے تینا اسہ انٹرویو اسے ٹی اوپارے کہ حکومت نا کنڈآن توانائی نا تنکی نا مون ئِ توننگ کن چست کروک آ گام گیج آک ستاکڑزرہ۔ داوخت توانائی نا کمتی اتون اوار اوار دانا بشخ وپانٹ ہم اسہ اہم ئُ ویل اسے، داڑتون مون تننگ کن کاریم نا کچ اٹی گچینی، لین لاسز اٹی کمتی و بجلی و توانائی نا بشخ و پانٹ ئِ جدید تر جوڑ کننگ المی ئِ۔ ڈاکٹر گل فراز احمد پارے کہ دارداٹ ایشیائی شونداری بینک انا کنڈآن کڑز انا فراوانی اہمیت تخوک ئُ گام اسے۔ داڑآن ملک اٹی بجلی و توانائی نا بشخ وپانٹ نا نظام ئِ گچین و پوسکن جوڑ کننگ اٹی کمک رسینگک۔
