کوئٹہ۔ 25 مارچ (اے پی پی) بلوچستان ایمرجنسی آپریشن سینٹر بلوچستان نا کوآرڈی نیٹر سید زاہد شاہ پارینے کہ بلوچستان نایانزدہ ضلع غاتیٹی انسداد پولیو نا خصوصی مہم 26 مارچ آن بناکیک۔ خصوصی انسداد پولیو مہم صوبہ ٹی ظاہر مروک آساڑی آ پولیو نا کیس و چاگڑدی وڑتیٹی پولیو دین انا ساڑی گری نا رداٹ بناکننگ انگ ءِ مہم اٹی 8 لکھ 89 ہزار آن زیات چناتے پولیو نا پُڑی کنفنگک۔ اومیڈیا نا نمائندہ غاتون گپ وتران کرسا پارے کہ انسداد پولیو نا خصوصی مہم بلوچستان نا ضلع چمن، ڈیرہ بگٹی، حب، لسبیلہ، نصیر آباد، سبی، جعفر آباد، کیچ، خضدار، اوستہ محمد و صحبت پور اٹی بناکننگ انگ ءِ۔ اوغٹ لمہ و باوہ غاتیان خواست کرے کہ او دا خصوصی مہم اٹی پولیو ٹیم اتون کمکاری ءِ پک کیر وخت اس کہ سول سوسائٹی ، استاد و عالم دینک ہم تینا کمکاری ءِ پک کیر۔
