کوئٹہ۔ 25 مارچ (اے پی پی) سوئی سدرن گیس انا روچہ ٹی کوئٹہ نا چندی علاقہ غاتیٹی گیس پریشتر ءِ گچین تخنگ نا کوشست آک برجاءُ۔ ترجمان سوئی سدرن نا رداٹ پیپ لین تا المی جوڑ جاڑ نا فیصلہ ءِ کننگانے ہرانا سوب آن 26 مارچ 2024 آ سہب انا 6 بجہ غان پیشیم نا 2 بجہ اسکان کوئٹہ تون اوار سریاب ، غوث آباد، دے ٹکی بائی پاس، سیٹلائٹ ٹاؤن، پشتون آباد، ہزارگنجی، خیزی، ہزارہ ٹاؤن ، بروری روڈ، کرانی روڈ، جناح ٹاؤن ، شہباز ٹاؤن، کلی اسماعیل، جیل روڈ ہدہ، ایئرپورٹ روڈ، نواں کلی، بلیلی ، کچلاک، زیارت، پشین و کیبی علاقہ غاتیٹی گیس بند مریک۔ ترجمان نا پاننگ ءِ کہ ہندا علاقہ غاتا شرفمند آ صارف آتیان خواست ءِ کہ داوخت آ بندش اٹی گیگ بدل ذریعہ نا بست وبند ءِ کیر تانکہ ہروڑنا فریشانی آن بچنگ مرے۔ داعارضی بندش آن مروک آ زحمت کن ادارہ تینا شرفمند آصارف آتیان معذرت خواہ ءِ۔
