کوئٹہ۔ 25 مارچ (اے پی پی)پاکستان مسلم لیگ (ن) زالبول ونگ انا راہشون فاطمہ خان پارینے کہ مسلم لیگ (ن)نا مدام قوم انا خذمت اولیت ءِ، و نن پاکستان نا زرگزرانی شونہالی سوگوی و سلامتی کن تینا پبی جہد ءِ برجاتخنہ، ، بلوچستان اٹی جوڑ مخلوط صوبائی حکومت الس ءِ مون تروک ویل آتا ایسری و اوفتے آسراتی تا فراوانی ءِ پک کیک، مسلم لیگ (ن) بلوچستان نا صدر شیخ جعفر خان مندوخیل وزیراعظم پاکستان میاں شہباز شریف تون اوڑدہی کرسا اودے بلوچستان ناالس نا ویل آتیان معلومدار کرینے۔ داہیت ءِ او دوشنبے نادےآ داڑے اوڑدہی کروک آ زالبول آتا اسہ ڈل اسے تون گپ وتران کرساپارے۔ اوپارے کہ ساڑی بنجائی و بلوچستان ناحکومتی سیوت انشاء اللہ ملک ءِ ساڑی آ غٹ تنکی تیان کشک دا عمل اٹ مسلم لیگ (ن) نا حقی ورکر تیناسرکڑدہ غاتون پبی تفرہ۔ اوپارے کہ 2018ء نا گچین کاری تیٹی مسلم لیگ (ن) نا مینڈیٹ ءِ دُزی کرسا برسر اقتدار بروک آ نابودی حکومت ملک ءِ بھسکاری نا دنگ آ ایس سرکرے۔ اوپارے کہ انشاءاللہ میاں محمد شہبا ز شریف نا کماشی ٹی بنجائی حکومت ملک ءِ تنکی تیان کشسا شونداری و شونہالی ناکنڈآ دیک۔ اوپارے کہ مسلم لیگ (ن) بلوچستان نا صدر شیخ جعفر خان مندوخیل بلوچستان نا الس ءِ مون تروک ویل آتا ایسر کننگ اٹ خاص است خواہی تخک و او وزیراعظم تون اوڑدہی کرسا اودے صوبہ نا الس نا ویل آتیان معلومدار کرینے۔ اوپارے کہ بلوچستان نا مخلوط صوبائی حکومت اٹ اوار جماعت آک اواری اٹ صوبہ نا الس ءِ بنداوی آسراتی تا فراوانی ءِ پک کیرہ۔
