لاہور۔ 25 مارچ (اے پی پی) وزیراعظم محمد شہباز شریف نا پارت آ بنجائی وزیر کانود و انصاف اعظم نذیر تارڑ دوشنبے نادے آلاہور اٹی چندی یوٹیلیٹی اسٹور آتا دورہ ءِ کرے۔ بنجائی وزیر یوٹیلیٹی اسٹور تیا الس ءِ دوئی آسراتی، کنوئی آ گڑاتا فراوانی و آب انا جاچ ءِ ہلک و یوٹیلیٹی اسٹور تیا ریٹ لسٹ ءِ چیک کرے۔ داوخت آ میڈیا تون گپ وتران کرسا بنجائی وزیر پارے کہ زرگزران نا گچینی حکموت نا اولیت ءِ، انشاء اللہ وزیراعظم محمد شہباز شریف نا کماشی ٹی ملک زرگزرانی شونداری نا کنڈآ کاہک۔ اعظم نذیر تارڑ پارے کہ حکومت ملکی تاریخ نا غٹ آن بھلا روچہ پیکج تس، الس ءِ آسراتی تا فراوانی اولیت ءِ۔ اوپارےکہ روچہ پیکج اٹی بی آئی ایس پی نا صارف آتے سبسڈی آن بیدس لس صارف آتیکن ہم خصوصی رعایتی نہاد مقرر کننگانے۔ داوخت آ بنجائی وزیراعظم نذیر تارڑ یوٹیلیٹی اسٹور تیا بروک صارف آتون گپ وتران کرے و اوفتیان تروک آ گڑاتا بابت سوج ہم اَرفے۔ بنجائی وزیر یوٹیلیٹی اسٹور تیا ساڑی دال و ایلو کنوئی آ گڑاتا آب ءِ ہم چیک کرے۔ اوفتا نرخ آتا بابت اَرفے۔ داوخت آ بنجائی وزیر ءِ حوال ہم تننگا و یوٹیلیٹی اسٹورز اسٹاف پارےکہ سٹور آ سی 335 روپئی اسہ کلو و بورہ 109 روپئی اسہ کلو تننگ انگ ءِ وخت اس کہ بی آئی ایس پی صارف آتیکن یوٹیلیٹی اسٹور تیا خصوصی بست وبند کننگانے۔
