اسلام آباد۔ 25 مارچ (اے پی پی) وزارت انفارمیشن ٹیکنالوجی و ٹیلی کمیونیکیشن پوسکن آ گریجویٹ آتیکن ملازمت ناوارخواہی تے ودفنگ مچ آ پاکستان نا غٹ یونیورسٹی تیٹی آب اٹ ٹیسٹ درستی راستی کرفینے۔ دافیصلہ نا مسخت چندی ادارہ بشمول ہائر ایجوکیشن کمیشن (ایچ ای سی) ، نیشنل کمپیوٹنگ ایکریڈیٹیشن کونسل، ایگزامینیشن ٹیسٹنگ کونسل، پاکستان سافٹ ویئرایکسپورٹ بورڈ و پاکستان سافٹ ویئر ہاؤسز ایسوسی ایشن اتون اواری اٹ آئی ٹی نا تعلیم ءِ گچین کننگ ءِ، امتحان اٹی سرسہب مروک آ طالب علم آک انڈسٹری پلیسمنٹ پروگرام نا کمک اٹ ملازمت ناوارخواہی تا اہل مریرہ۔ وزارت آئی ٹی نا کارندہ نا رداٹ یونیورسٹی تیٹی خصوصی انڈسٹری کورسز نا سپورٹ کن فنڈ جتا کننگک، ہرانا مسخت طالب علم آتے صنعت نا ساڑی آ کچ و خواست آتے پورو کننگ کن تیار کننگ ءِ۔ نیشنل کمپیوٹنگ ایکریڈیٹیشن کونسل یونیورسٹی نا درجہ بندی و آئی ٹی طالب علم آتا روا درج آتا تعین ءِ کننگ کن طالب علم آتون شرح آ سجفک۔ اوپارے کہ پاکستانی یونیورسٹی داوخت آ سالانہ 20 آن 22 ہزار گریجویٹ ودی کیک ولے دافتیان بیرہ 2 ہزار ءِ ہی روزگار دوئی مریک۔
