بیجنگ ۔ 25 مارچ (اے پی پی) چینی وزارت خارجہ نا ترجمان لین جیئن پارینے کہ چینی پیپلزلبریشن آرمی نا اعزازی گارڈ انا ڈل 84 می ’’یوم پاکستان‘‘ ناوخت آ 23 مارچ آ پاکستان ناد ارالحکومت اسلام آباد اٹی فوجی پریڈ اٹی بشخ ہلک۔ دا بشخ ہلنگ چین وپاکستان نا نیام اٹ یکتا و گہری سنگتی نا پورو عکاسی ءِ کیک۔ دوشنبے نادے آ نیوز کانفرنس اٹی اوپارے کہ ہر چار آ موسم تا تزویراتی شریدارو آہنی سنگت نا حیثیت اٹ چین نا دلی تمنا ءِ کہ پاکستان ءِ قومی شونداری و شونہالی نا نصب العین اٹی پین پوسکن و بھلو سرسہبی دوئی مرے۔
