لاہور۔24مارچ (اے پی پی): مزن وزیر محمد شہباز شریف ءَ پنت ءُ شون کت کہ ریکوڈک منصوبگ ءِ ھوالگ ءَ سرکاری تک ءَ توامیں سٹیک ہولڈر ز آں گوں شور ءُ مشور کنگ بیت ءُ ایشی ءِ تہ ءَ ھمک جاہ ءَ پینگ بیت ایشاناں ساپ کنگ بیت۔ بلوچستان ءَ معدنیات بے کساس است ایشاں چہ سیت چست کنگ ءِ واستہ رسانک انفراسٹرکچر ءِ ھوالگ ءَ منصوبگ جوڑ کنگ بیت وھدیکہ مزن وزیر ءَ ریکوڈک روڈ وریل کنکٹیویٹی ءِ ھوالگ ءَ آیوکیں ھپتگ ءَ بریفنگ لوٹ کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہبا زشریف ءِ سروکی ءَ ریکوڈک منصوبگ ءِ ھوالگ ءَ ارزشتی ایں دیوان ءَ لاہور ءَ برجم بوت۔ دیوان ءَ بیرک گولڈ کمپنی ءِ ڈل ءِ چیف ایگزیکٹو اپسرگ مارک برسٹو ءِ سروکی ءَ ویڈیو لنک بھر زوری کت۔ دیوان ءِ سریکیں باسک آں گوں تران کنان ءَ مزن وزیر ءَ گوشت کہ ریکوڈک منصوبگ ءِ سر ءَ کار کنوک ءُ ریکوڈک ءَ چہ دکہ تاں لاجسٹک ءُ روگ ءُ آیگ ءِ ھوالگ ءَ سیکورٹی دل یکیمی جوڑ کنگ بیت۔ آئی ءَ گوشت کہ منصوبگ ءِ ھوالگ ءَ سرکاری تک ءَ توامیں اسٹیک ہولڈرز آں گوں شور ءُ مشور کنگ بیت ءُ ھمک جاہ ءَ پینگ بیت آواناں دور کنگ بیت۔
