اسلام آباد۔23مارچ (اے پی پی):صدر مملکت آصف علی زرداری ء گوشتگ کہ پاکستان یک زمہ واریں ایٹماک ریاست ات ءُ ایمنی ء گوں محبت کنوکیں ملک ات پدا ھم وت مستری ءِ ھوالگ ءَ اچ کس ءِ گوما سمجھوتہ نہ کنت ءُ ناں کہ پاکستان ءَ بے ایمنی تالان کنوکیں ناشرکار آناں سگ ءُ اوپار کنگ نہ بیت۔ یوم پاکستان ءِ موہ ءَ ما سوگند کناں کہ پاکستان ءِ جوڑیشت ، دیمروئی ، دیمروئی ءُ سلامتی ءَ را وتی جان ءَ چہ گیش دوستداراں۔ سکی آں ابید پاکستان ءِ دیمپان، صنعت ، کشت ءُ کشار، وانگ ءُ زانگ، جان سلامتی ءُ ٹیکنالوجی ءَ ھوار جتا جتائیں شوبگ آنی دیمروئی ءَ منزل آں سر بوتگ، مئے درستانی زمہ واری انت کہ ملک ءِ جیڈ ح آناں گیوار بکناں ءُ معاشی برجائی ءِ واستہ جوانیں ءَ گوں کار بکناں۔ صدر مملکت ءَ اے سکیں وھد ءَ پاکستان ءِ کمک کنگ ءِ پد ءَ دوستیں ملک ، چین سعودی عرب ترکی ءُ متحدہ عرب مارات ءِ کمک آنی شگر ءُ منت واری گپت۔ ایشی ءَ ابید پاکستان ءِ منوگری ءِ روچ ءِ درگت ءَ سہب ءِ بندات بنجاھی دار الحکومت ءَ 31 ٹوپ ءُ صوبائی دارالحکومت ءَ 21، 21 ٹوپ آنی سلامی ءَ گوں کنگ بوت۔ پریڈ ءِ بنگیج راجی ترانہ ءُ قرآن پاک ءِ تلاوت ءَ گوں بوت ایشی ءَ چہ پد راجی پرچم ءَ را سلامی دیگ بوت، صدر مملکت ءَ پریڈ ءِ چار ءُ تپاسی ھم کت۔
