برسلز۔22مارچ (اے پی پی): وزیر ءِ درئی کار محمد اسحاق ڈار ءَ برسلز ءَ نیوکلیئر انرجی سمٹ ءِ موہءَ متحدہ عرب امارات ءِ ھاٹیگ ءُ انفراسٹرکچر ءِ وزیر المازروئل سہیل ءَ گوں گند ءُ نند کت۔ آدینگ ءِ روچ ءَ درئیکارانی کارگس ءِ رد ءَ دوئیں وزیر آں استیں دو نیمگی یکوئی ءُ اوست آنی چار ءُتپاسی گپت۔ آئیءَ پاکستان ءُ متحدہ عرب امارات ءِ یکوئی ھاسیں رنگ ءَ جوانیں ھاٹیگ ءُ ٹرانسپورٹ ءِ شوبگ ءَ تجارت ءُ سرمایہ کاری ءَ را گیش دیمروئی دیگ ءِ واھشت ءِ درشان کت۔ وزیر ءِ درئی کار ءَ موسمی مٹ ءُ بدلی ڈپلومیسی ءَمتحدہ عرب امارات ءِ کرد ءَ را ساڑات ءُ گوشت کہ یو اے ای ءِ میزبانی ءَ کاپـ28 ءَ میاں اوستمانی دلگوش ساپیں انرجی ءِ یک آپشن ءِ رد ءَ نیوکلئر انرجی ءِ نیمگ دلگوش کنائینت۔ آئی ءَ ایٹمی انرجی ءِ ایمنی ءَ گوں کارمرزی ھاسیں رنگ ءَ جوہری ریایکٹر آپریشنز ، حفاظت ءُ ریگولیٹری انفراسٹرکچر ءِ جوڑیشت ءِ توامیں شوبگ آنی تہ ءَ وتی تجروبت ءُ ازمکاری آنی شریکداریءِ واستہ پاکستان ءِ تیاری ءِ درشان کت۔ وزیر ءِ درئی کار ءَ اے دل یکیمی ءِ درشان کت کہ پاکستان – متحدہ عرب امارات ٹوھیں اقتصادی شریکداری ءِ منوگری (سی ای پی اے) ءِ نتیجگ ءَ دو نیمگ ءَ تجارت ءُ سرمایہ کاری ءِ کمک ءَ را گیش دیمروئی رسیت۔ متحدہ عرب امارات ءِ وزیر ءَ پاکستان ءِ وتی تر ءُ تاب ءُ پاکستان ءِ گوما کوھنیں یکوئی ءِ تران کت۔ آئی ءَ اے گپ ءِ سر ءَ زور پر داست کہ متحدہ عرب امارات پاکستان ءِ دیمروئی ءَ شریکدار بیت۔
