بیجنگ۔ 21 مارچ (اے پی پی) چین اٹی پاکستان نا سفیر خلیل ہاشمی پارینے کہ پاکستان ءِ چین اتون تینا یکتا و ہرآزمائشت آ پورو سلوک آ سنگتی آ بھا ز گمر ءِ۔ ہڑتوم آ ملک آک نئے بیرہ ڈغاری، دریاو مش تے اٹ ملوک ءُ بلکن است انا راہداری تیٹی ہم گنڈوک ءُ ہرا تین پہ تینی شرف ، پت، یکجہتی ومخ تفی نا اسیجائی قدر آ قائم ءُ ۔ اوبیجنگ اٹی پاکستانی سفارت خانہ نا مہمانداری ٹی پاکستان نا 84 می قومی دے انا رداٹ اڈ ہلوک دود آن تران کرسا داہیت آ زور شاغا کہ چین اٹی پاکستان نا سفیر نا وڑاٹ او و اونا ٹیم ہڑتوم آ ملک آتا سرکڑدہ غاتا نیام اٹ طے مروک آ امنائی سلاہ ءِ عملی دروشم اس تننگ کن سنبرینگوک ءُ تانکہ ہڑتوم آ ملک آتا نیام اٹ سٹریٹجک پت، چندی بشخ آتیٹی تعلقداری تے سوگو کننگ مرے و پوسکن آ دور اٹی اسیجائی آخبت نا چین پاکستان کمیونٹی ءِ پین سوگو کننگ مرے۔ داوخت آ چین نانائب وزیرخارجہ سن ویڈونگ ہم ساڑی ئس۔
