کوئٹہ۔ 21 مارچ (اے پی پی) صوبائی الیکشن کمشنر محمد فرید آفریدی پارینے کہ بلوچستان الیکشن کمیشن نا کنڈآن صوبہ غان سینیٹ نا نشست آتا گچین کاری کن اپیلیٹ ٹربیونل اس جوڑ کننگانے، صوبائی الیکشن کمشنر میڈیا تون گپ وتران کرسا پارے کہ اپیلیٹ ٹربیونل اٹی ریٹرننگ آفیسر نا کنڈآن اومیتدار آتا پندار کاغد آتا منظور یا مسترد کننگ نا برخلاف اپیل آتے دائر کننگ مریک۔ اپیلیٹ ٹریبونل بلوچستان ہائی کورٹ نا اِراشرفمند جج جسٹس محمد اعجاز سواتی و جسٹس نذیر احمد لانگوآ تالان ءِ۔ ٹریبونل تون 21 مارچ اسکان پندار کاغد آتا منظور یا مسترد مننگ نا برخلاف اپیل آتے دائر کننگ مریک و دا اپلیٹ ٹریبونل 25 مارچ اسکان اپیل آتیا فیصلہ کیک وخت اس کہ اومیتدار آتا نظرثانی مروک فہرست نا اشاعت 26 مارچ آ مریک و 27 مارچ اسکان اومیتدار دزکش مننگ کیرہ ۔ شیڈول نا رداٹ پولنگ 2 اپریل 2024آ سہب انا 9 آن بیگہ نا 4 بجہ اسکان صوبائی اسمبلی بلوچستان کوئٹہ ٹی مریک۔
