اسلام آباد۔ 21 مارچ (اے پی پی ) اسپیکر قومی اسمبلی سردار ایاز صادق و ڈپٹی اسپیکر سید غلام مصطفیٰ شاہ گوادر پورٹ اتھارٹی کمپلیکس آ دہشت گرد جلہو اٹی نہادی جونی نسخان تیا است ہسونی نا درشانی ءِ کرینو۔ پنچ شنبے نادے آ تینا ہڑزخواہی کلہواٹی اوفک شہید سپاہی بہارخان و عمران علی نا بہادری و جیرت ءِ خراج تحسین پیش کریر و شہید مروک آ سیکورٹی فورس آتا کارندہ غاتا خاہوت آتون ہڑزخواہی نا درشانی ءِ کریر۔ اسپیکر ایاز صادق پارے کہ وطن نا دا بہادر گلزادہ غاک تینا جون تےندر کرسا دہشت گرد آتا ناپاک مسخت آتے مش تا کریر۔ مچ آ قوم ءِ تینا دا بہادر گلزادہ غاتیا گمر ءِ و اوفتا بہادری ءِ سلام پیش کیک۔ سیکورٹی فورس آک وخت آ کارروائی کرسا گوادر پورٹ اتھارٹی کمپلیکس ءِ بھلو نسخان اسے آن بچفینو۔ ڈپٹی اسپیکر پارے کہ شہیدمروک آورناک تینا جون تے ندر کرسا ملک ءِ بھلو نسخان اسے آن بچفیر۔ اسپیکر و ڈپٹی اسپیکر اللہ تعالیٰ آن شہید آتا درجہ غاتا بڑزی و پدسلوک آخاہوت آتیکن صبر وجمیل نا دعاکریر۔
