کوئٹہ۔ 21 مارچ (اے پی پی) پاکستان کوسٹ گارڈ ز چندی کارروائی تیٹی 7 بندغ ءِ دزگیرکرسا اوفتا کوزہ غان سلہہ و موٹرسائیکل دوئی کرے۔ ترجمان پاکستان کوسٹ گارڈ نا رداٹ اودیم حوال نا بنداوآ گوادر نا علاقہ سربندر اٹی سرچ آپریشن اٹی اسہ دوبہ دار اسے نا کوزہ غان 2 دانہ گونی تیٹی اودیم کروک 36 دانہ گلاک پشٹول دوئی کرے۔ دزگیر دوبہ دار نا پیدواری آ مستی کارروائی کرسا خڑک انا اُراتا پٹنگ اٹی اسہ دانہ اس موٹرسائیکل، 2 گاڈی و اسہ ڈبل بیرل شاٹ گن اس دوئی کرسا6 شکبر بندغ ءِ سلہہ اسمگلنگ اٹ اوار مننگ نا بنداو آ دزگیرکننگا۔ ہندا سلہہ، گاڈی و دوبہ دار آتے حراست اٹی ہلسا کانودی کارروائی نا بناءِ کننگانے۔ اسہ پین کارروائی اسے ٹی پاکستان کوسٹ گارڈز جیوانی نا علاقہ ٹی سمندر اٹی اینٹی ٹرالنگ آپریشن کرسا اسہ دانہ اس فشنگ ٹرالر ءِ اِرا گھنٹہ تعاقب کننگ آن پد کوزہ ٹی ہلسا جیوانی جٹی آ گدریفسا محکمہ فشریز نا دوٹی تس۔ یات سلے کہ پاکستان کوسٹ گارڈ منشیات و ہروڑنا اسمگلنگ ناتوننگ کن ہروخت لگوک ءُ۔
