کوئٹہ۔ 21 مارچ (اے پی پی) سیکرٹری محکمہ جان جوڑی عبداللہ خان پارینے کہ الس ءِ جان جوڑی نا بنداوی آسراتی تا فراوانی کن غٹ دوئی وسیلہ غاتے کاریم اٹ اتنگ انگ ءِ ، بلوچستان عسکری مال ہیلتھ کیئر ہسپتال اٹی بلوچستان ہیلتھ کارڈ انارداٹ ناجوڑ آتا مفت درمان نا فراوانی نا بناءِ کرینے ہراڑآن نیزگار و حقدار مریض آک فائدہ دوئی کننگ کیرہ۔ داہیت ءِ او بلوچستان عسکری مال ہیلتھ کیئر ہسپتال اٹی بلوچستان ہیلتھ کارڈ انارداٹ مریض آتا مفت درمان نا آسراتی تا فراوانی نا بنا نا وخت آ گپ و تران کرسا پارے۔ داوخت آ چیف ایگزیکٹیو آفیسر بی اے ہیلتھ کیئر ہسپتال خالد حسین باٹھ، اسداللہ کاکڑ، صوبائی صدر پاکستان میڈیکل ایسوسی ایشن بلوچستان ڈاکٹر آفتاب کاکڑ، ڈائریکٹر ایڈمن بلوچستان ہیلتھ کارڈ ڈاکٹر احمد ولی، منیجر ایم اینڈ ای بلوچستان ہیلتھ کارڈ ڈاکٹر ماریہ ترین، پروفیسر عائشہ ، پروفیسر مریم شعیب و ڈاکٹر فیصل کاکڑ فوکل پرسن بنیق ئسک ہم ساڑی ئسر۔ سیکرٹری جا ن جوڑی عبداللہ خان بلوچستان عسکری مال ہیلتھ کیئر ہسپتال نا چندی بشخ آتا معائنہ ءِ کرے ہسپتال اٹی بلوچستان ہیلتھ کارڈ نا رداٹ مفت درمان نا بے سلنگ آن فراوانی کن ہسپتا ل انتظامیہ و شعبہ امراض نسواں نا ڈاکٹر آتون میٹنگ ہم کرے۔ سیکرٹری جان جوڑی عبداللہ خان پارے کہ کوئٹہ شار انا پرائیویٹ ہسپتال آتیٹی بلوچستان عسکری مال ہیلتھ کیئر ہسپتال دا رداٹ یکتا ءِ کہ ہسپتال اٹی پوسکن آ طبی مشینری، تربیت یافتہ عملہ وماہر ڈاکٹر آتا ساڑی گری ٹی جان جوڑی نا آسراتی ہیلتھ کارڈ انا کمک اٹ بے سلنگ آن مفت فراوان کننگ انگ ءِ ۔ سیکرٹری جان جوڑی بلوچستان عسکری مال ہیلتھ کیئر ہسپتال اٹی ای پی آئی نا اسٹیسٹک سینٹرنا جوڑ کننگ نا ہم منظوری ءِ تس۔
