کوئٹہ۔ 21 مارچ (اے پی پی)پاکستان پیپلزپارٹی بلوچستان نا سیکرٹری حوالکاری سردار سربلند خان جوگیزئی گوادر جی پی اے کمپلیکس آ دہشت گرد آتا جلہو نا مذمت ءِ کرسا سیکورٹی فورس آتا آفیسر و ورناتے وخت آ کارروائی کرسا دہشت گرد آتا جلہو ءِ بے سہب کننگ آ خراج تحسین پیش کرینے۔ داڑے جاری مروک اسہ بیان اسے ٹی سردار سربلند جوگیزئی پارے کہ پاکستان پیپلزپارٹی ملک آن دہشت گردی ءِ ماس آن چٹفنگ نا عزم تخک دہشت گرد آک سیکورٹی فورس و حساس ہند آتیا جلہو کرسا تینا ناپاک مسخت آتے دوئی کننگ خوارہ ہراٹی اوفتے بے سہبی آن بیدس ہچ اس ملیپک۔ اوپارے کہ پاکستان پیپلزپارٹی گوادر اٹی جی پی اے کمپلیکس آ دہشت گرد آتا جلہونا مذمت ءِ کیک سیکورٹی فورس آتا آفیسر وورناک تینا جون تے دلدست آ تخسا وخت آ کارروائی کرسا دہشت گرد آتے تینا ایسراسکان سرکریر ہراڑآ او خراج تحسین نا حقدار ءُ ۔ اودہشت گرد آتون مقابلہ ٹی شہید مروک آ ورناتا خاہوت آتون ہڑزخواہی و ہمدردی نا درشانی ءِ کرسا پارے کہ شہید آتا قربانیک زیان مفسہ۔ اوپارے کہ مچ آ پاکستانی قوم دہشت گردی نا برخلاف برجاجنگ اٹی پاک فوج و ایلو سیکورٹی ادارہ غاتون ہم کوپہ سلوک ءُ، و انشاء اللہ ہمودے مر اف ہراتم ملک آن دہشت گرد آتے پورو چٹفنگک۔
