کوئٹہ۔ 21 مارچ (اے پی پی)چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور ناماہر سینیٹر محمد عبدالقادر پارینے کہ پوسکن آ حکومت نا جوڑ مننگ تون ملک اٹی دہشت گردی نا واقعہ غاتیٹی ودکی مننگ ءِ، قطبی وزیرستان اٹی حافظ گل بہادر جلہو آتیان پد گوادر پورٹ اتھارٹی کمپلیکس آ بی ایل اے نا سلہہ بند دہشت گرد آتا جلہو نا اندوہناک واقعہ اس رونما مس ہراکہ بھاز است ہسونی اسے ، پاکستان سیکورٹی فورس آک جلہو گیر آتے کڑو کڑو آ کسفیر داوڑنا ملک دشمن جلہو آتا اخس مذمت ءِ کننگے کم ءِ۔ داڑے جاری مروک اسہ بیان اسے ٹی سینیٹر محمد عبدالقادر پارے کہ پوسکن آ حکومت نا جوڑ مننگ نا وخت آ چندی ملک آتا سروک آک وزیراعظم شہبا ز شریف و صدر آصف علی زرداری ءِ اواری اٹ زرگزرانی سرجزآتے ودفنگ نا کلہو تسر دا کلہو آک پاکستان دشمن زموار وعلاقائی شونداری نا مخالف گروہ تیکن سوب نذع جوڑ مسنو بھارت نا سرپرستی ٹی کے پی و بلوچستان اٹی دہشت گرد تنظیمک سرگرم ءُ پاکستان تدوک آ دے دہشت گرد آتا تعاقب کرسا اوغانستان اٹ پترینگسا اوفتا ٹھکانہ غاتیا بمباری کرینے ہراٹی چندی دہشت گرد آک خلنگانو گوادرپورٹ اتھارٹی کمپلیکس آ جلہو اصل اٹ چین و ایلو سنگت ملک آتا زرکار آتاحوصلہ شکنی ءِ کننگ ءِ دا جلہو آتا مسخت چین ءِ پاکستان اٹ زرکاری کننگ آن توننگ و ناراض کننگ ءِ۔ اوپارے کہ پاکستان و چین سی پیک ڈٹ آتیا ترندی اٹ کاریم ءِ مون آدننگ آ امنا ءُ ہنداسوب آن دہشت گرد آک ہم متحرک مسنو پوسکن آ حکومت نا جوڑ مننگ تون چندی ملک آتا سروک آتا پاکستان نا دورہ ترتیب تننگا دشمن دا مثبت ٹک آتے ہرسا متحرک مس ایلو ملک آتا سروک آتون زرکارآک پاکستان آ بریرہ تو پاکستان اٹ پیشن نا زرکاری نا گمان روشنا مریک ہندا گمان تے معدوم کننگ کن دہشت گرد آک متحرک مسنو۔ چیئرمین قائمہ کمیٹی پارے کہ سیکورٹی کارندہ غاتا کنڈآن علاقہ ءِ گھیڑا ٹی ہلنگا مستی کلیئرنس برجاءِ گرج داہیت انا ءِ کہ حکومت نا جوڑ مننگ تون ننے سیکورٹی نا باندات آتے فول پروف کننگ آ چکار کننگ نا گرج ءِ گوادر نا اینو ناجلہو آن ڈائیلاگ نا پروسیس ءِ دھچکہ اس لگانے بلوچستان نا وزیراعلیٰ سرفراز بگٹی صوبہ بلوچستان اٹی ساڑی دہشت گرد آتیکن عام معافی نا پڑو کریسس ولے داوڑنا زموار ہرا عام معافی و ڈائیلاگ نا برخلاف ءُ سرسہب مسنو او خواپسہ کہ داڑے ڈائیلاگ نا کمک اٹ سکون مرے و صوبہ ٹی شونداری نا سفر مون آکائے۔
