راولپنڈی۔ 21 مارچ (اے پی پی) اینٹی نارکوٹکس فورس منشیات اسمگلنگ نا برخلاف6 کارروائی تیٹی 107 کلوگرام منشیات دوئی کرسا 10 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ ملتان ایئرپورٹ آ دوحہ غا ہنوک آ مسافر اسے آن 74 چرس آن پُر کیپسول دوئی، کارروائی ٹی اِرا کمکار ءِ ہم دزگیرکننگا۔ موٹروے ٹول پلازہ شیخوپورہ نا خڑک 2 دوبہ دار آن 16.8 کلوگرام افیم و 33.6 کلوگرام چرس دوئی کننگا۔ فیصل آباد اٹی تاندلیانوالہ نا خڑک دوبہ دار آن 8.4 کلوگرام افیم و 18 کلوگرام چرس دوئی کننگا۔ گلوٹیاں مورڈسکہ ٹی 2 دوبہ دار آن 16.8 کلوگرام چرس دوئی کننگا۔ زخہ خیل خیبرآن 11 کلوگرام چرس دوئی کننگا۔ شیرشاہ ٹول پلازہ ملتان نا خڑک 2 دوبہ دار آن 2 کلوگرام چرس دوئی کننگا۔ ترجمان پارے کہ دزگیر دوبہ دار نا برخلاف منشیات تور ایکٹ انا رداٹ مقدمہ نوشتہ کرسا مستی جاست وپاست نا بناءِ کننگانے۔
