اسلام آباد۔ 13جون (اے پی پی) ساڑی حکومت نا دور اٹی گدرینگوک آ چار سال اٹی بجلی نا فراوانی ٹی نمان گچینی و شارٹ فال اٹی کمتی بسنے۔ وزارت دیر و بجلی نا کنڈآن جاری کروک آ حساب وکتاب نا رداٹ جون 2017ءٹی بجلی نا اوسطاََ پیداوار 18 ہزار 52میگاواٹ ئِ ہراکہ 2012ءٹی 11ہزار 240 میگاواٹ، و جون 2013ءٹی 11ہزار 240 میگاواٹ ئس، ہنداوڑ 2012ءٹی بجلی نا اوسطاََشارٹ فال 5ہزار 830 میگاواٹ، 2013ءٹی 7 ہزار 938 میگاواٹ ئس ہراکہ 2017ءٹی اوسطاََ ٹی 2 ہزار 789میگاواٹ ئِ ۔ ہندا وڑ بجلی نا پیداوار نا حساب آن شارٹ فال نا شرح 2012ءٹی 52 درسد و 2013ءٹی 67درسد ئس ہراکہ جون 2017ءٹی 15.4درسد ئِ۔ ہنداوڑ 2012ءٹی بجلی نا زیات آن زیات پیداوار 12ہزار 946میگاواٹ، 2013ءٹی 13ہزار 326 میگاواٹ ئس ہراکہ جون 2016ءٹی 17 ہزار 400 میگاواٹ ئس و جون 2017ءٹی ودسا بجلی نا زیات آن زیات یومیہ پیداوار 19 ہزار 248 میگاواٹ مسنے۔
