راولپنڈی۔ 12جون (اے پی پی) بھارتی فوج انا کنڈآن لین آف کنٹرول آ جنڈروٹ و ہاٹ سپرنگ سیکٹر اٹی بلا اشتعال سم کاری آن اِرا شاری شہید وخت اس کہ اسہ چناو نیاڑی اسے تون اوار 3شاری ٹھپی مسنو، بھارتی فوجی سم کاری ٹی گولہ باری نا کمک اٹ لین آف کنٹرول آ شاری آبادی ئِ نشانہ جوڑ کریر، پاک فوج انا پبی ورندی تننگ آن بھارتی فوج ئِ ہم شدید جانی و مالی نسخان ہرفوئی تما۔ پاک فوج انا شعبہ تعلقات عامہ (آئی ایس پی آر) نا رداٹ دوشنبے نا دے بھارتی فوج لین آف کنٹرول آ سیز فائر لین نا خلاف ورزی ئِ کرسا جنڈ روٹ و ہاٹ سپرنگ سیکٹرز آ بھلو گولہ باری اس کرے ہراڑآن بھابڑہ خلق انا ہنکینی 18سال انا وقار یونس و 19 سال انا اسد علی شہید مسر وخت اس کہ بھابڑہ خلق انا 30 سال انا محمد شہباز، چکرالی خلق انا 35سال انا شمائلہ خورشید و 14سال انا حفصہ شبیر ٹھپی مسر۔ پاک فوج بھارتی بلااشتعال سم کاری نا پبی ورندی ئِ تس ہراڑآن بھارتی فوج انا جانی و چیک پوسٹ آتا نسخان مسنے۔
