اسلام آباد۔ 01 فروری (اے پی پی) نگران بنجائی وزیر بنجائی تعلیم و کسبی تربیت مددعلی سندھی تون پاکستان اٹی قطر انا سفیر علی مبارک اے ای الخطر اونا دفتراٹی اوڑدہی کرے۔ پنچ شنبے نادے آ وزارت نا کنڈآن جاری بیان نا رداٹ مددعلی سندھی قطری ڈل ءِ بخیرکرساپارے کہ ہڑتوم آملک آتا نیام اٹ دودوربیدہ ئی، لسانی و الس اسہ ایلو تون مہرومریبت کیرہ۔ مددعلی سندھی ووکیشنل و ٹیکنیکل ٹریننگ نا بابت مہارت و علم انا تبادلہ آ گپ وتران کرے ۔ اوپارے کہ ہڑتوم آ ملک آک اسہ ایلو نا آزموندہ غاتیان فائدہ ہرفنگ کیرہ۔ اوہڑتوم آ ملک آتا نیام اٹ متکن آ دوستانہ تعلقداری تے امنا کرے و اوفتا ستاءِ کرے۔ مددعلی سندھی استاد و طالب علم آتا تین پہ تینی کمکاری ءِ پین ودفنگ نا خیرمقدم ءِ کرے۔ اوپارے کہ ہڑتوم آ ملک آتا نیام اٹ کمکاری نا نمان گمان ساڑی ءِ۔ اوپارے کہ ہراتم آن او عہدہ ءِ سنبھالانے استاد آتا تربیت و تعلیم نا آب ءِ اولیت تننگانے۔ اوپارے کہ پاکستان و قطر ءِ تینا ہڑتوم آ کنڈآتا تعلقداری خاص وڑاٹ ٹیکنالوجی، تعلیم و پٹ وپول نا تبادلہ ٹی ودکی کننگے۔ اوپارے کہ تعلیم نا بشخ ءِ ڈیجیٹلائز کننگ آن اینو و پگہ نا چندی چیلنج آتون مون تننگ مریک ۔ اوالسی تعلیم نا بشخ اٹی مروجہ ویل آتا ڈیجیٹل ایسراس تیار کننگ کن وزارت تعلیم نا ذریعہ تیارکروک ای تعلیم و ٹیلی اسکول پلیٹ فارم آتے مون آتخا۔ پاکستان اٹ جمہوریہ قطر نا سفیر پارے کہ قطر اناا لس نا پاکستان تون بھلو تعلقداری اسے۔
