لاہور۔ 01 فروری (اے پی پی) صوبائی الیکشن کمیشن پنجاب نا کنڈآن ضابطہ اخلاق نا خلاف ورزی آ کارروائی برجاءِ۔ ترجمان الیکشن کمیشن نا رداٹ پنچ شنبے نادے آ ڈسٹرکٹ مانیٹرنگ آفیسر مظفر گڑھ اومیتدار این اے 175 مظفر گڑھ جمشید دستی ءِ بلااجازت کارریلی کشنگ آ 50 ہزار روپئی ڈنڈ کرے۔ اومیتدار پی پی 268 مظفر گڑھ جام محمد یونس ءِ خلاف ضابطہ تشہیری مواد خلنگ آ 10 ہزار روپئی ڈنڈ کننگا۔ ہندا وڑ پی پی 209 خانیوال اومیتدار چوہدری ضیاءالرحمان ءِ ہوائی سم کاری آ 50ہزار روپئی جرمانہ ادا کننگ نا پرمان جاری کننگا۔ اومیتدار این اے 161 بہاولنگر محمد اجمل قادری 20 ہزار روپئی جرمانہ سرکاری خزانہ ٹی جمع کرفے۔ پی پی 81 خوشاب اٹی گچین کاری اومیتدار نا حامی محمد اخلاق اعوان آ 10 ہزار روپئی ڈنڈ بیٹ کننگا۔ محمد اخلاق ضابطہ اخلاق نا پیرا 41 نا خلاف ورزی ءِ کرسا اشتعال انگیز تقریر کریسس۔ ملتان نا قومی و صوبائی اسمبلی حلقہ غاتیان اومیتداران خواجہ صغیراحمد، یوسف رضاگیلانی، و عبدالغفار ڈوگرتون اوار 13 اومیتدار آتے وارننگ و نوٹس جاری کننگا۔
