پرویز شوکت  ھدامرزی   ءَمدام  اھوالکار   ءُ   میڈیا  ورکز  آنی  ھک  آنی  واستہ    گوانک   برز  ءُ  بلند  کت،  بنجاھی  وزیر اھوالکاری مرتضٰی  سولنگی  ءِ کلانہ ایں   اھوالکار آنی   یات ءَ  دلپدردی    ریفرنس    ءَ گشتانک  

اسلام آباد۔31جنوری (اے پی پی):ادارکی  بنجاھی وزیر اھوالکاری،  شنگ کاری   ءُ پارلیمانی کار مرتضٰی  سولنگی  ءَ گوشتگ کہ کلانہ ایں  اھوالکار    پرویز  شوکت  ھدا مرزی    ءَ وتی  چیل سالی  اھوالکاری  ازمت   آنی  دور ءُ باریگ  ءَ مدام  اھوالکار   ءُ  میڈیا ورکز  آنی ھک  آںی واستہ  گوانک   چست  کتگ،  میڈیا ورکز  آنی واستہ   ھدا مرزیءِ بے  دروریں  ازمت  آناں مدام  یات  کنگ بیت،  ٹیکنالوجی  ءِ مٹ  ءُ بدلی  ءَ  چہ نوکیں   دلگوشی  دیم ءَ  پیداک انت،    الس آناں زانگ ءُ  پھمگ ءِ ھک     اھوالکاری انت،   آیوکیں  باندات ءَ  میڈیا  ڈیجیٹل  انت۔  اے  ھیالانی درشانی  آئی  ءَ چار  شمبے  ءَ  ادا  پاکستان    فیڈرل  یونین   آف  جرنلسٹس  (ورکرز)  ءِ   بست ءُ بند   کتگیں   پی ل ایف یو جے  ورکرز  ءِ صدر، ایپنک ءِ پیسریگیں   چیئرمین   کلانہ ایں    اھوالکار    پرویز  شوکت   ھدامرزی  ءِ  یات ءَ  برجم داشتگیں   دلپدردی   ریفرنس  ءَ گوں  گشتانک دیانءَ  کت۔