اسلام آباد۔ 31 جنوری (اے پی پی) وزارت مذہبی امور حج 2024 کن سعودی عرب اٹی خذمت سرتروک آ تیکن گریڈ 7 آن 18 نا سرکاری ملازم آتیان 14 فروری اسکان درخواست آتے بٹنگانے۔ چارشنبے نادے آ وزارت مذہبی امور نا ترجمان نا رداٹ وزارت مذہبی امور بنجائی و صوبائی محکمہ غاتا گریڈ 7آن 18 اسکان نا ریگولر آفیسر و ملازم آتے پارینے کہ این ٹی ایس نا کمک اٹ حج 2024 اٹی سعودی عرب اٹی پاکستانی حاجی تیکن بطور کمکار حاجی تینا درخواست آتے 14 فروری 2024 اسکان وزارت مذہبی امور آ گدریفر۔ دا چرجوئی ٹی درکار اہلیت ، وئی و کیڈر تون اوار ایلومعلومداری کن وزارت مذہبی امور یا این ٹی ایس نا ویب سائٹ آ سرجم آتے ہُننگ مریک۔ ہندا وڑ بنجائی و صوبائی محکمہ جان جوڑی ٹی تعینات سرکاری ڈاکٹر، فارماسسٹ و پیرامیڈیکل عملہ ہم حج میڈیکل مشن اٹی تینا خذمت آتا سرتننگ کن این ٹی ایس نا کمک اٹ 14 فروری اسکان تینا درخواست آتے وزارت مذہبی امور آ گدریفنگ کیرہ ۔
