راولپنڈی۔ 31 جنوری (اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 9 کارروائی تیٹی 24 کلوگرام منشیات دوئی کرسا 10 دوبہ دار آتے دزگیرکرے ۔ اے این ایف ہیڈکوارٹر راولپنڈی آن جاری بیان نا رداٹ اسلام آباد بالی پٹ آن بحرین آ ہنوک آ مسافر آن 2 کلوگرام آئس دوئی کننگا۔ باچاخان بالی پٹ آ بحرین آ ہنوک آ مسافر اسے آن 774 گرام ہیر ون دوئی کننگا۔ ملتان بالی پٹ آن قطر آ ہنوک آ مسافر آن 700 گرام آئس دوئی کننگا۔ اسلام آباد بالی پٹ آن شارجہ غا ہنوک آ مسافر اسے آن 684 گرام چرس دوئی کننگا۔ راولپنڈی ٹی واقع کوریئر آفس اٹی برطانیہ غان مون تروک آ پارسل آن 460 گرام ویڈ دوئی کننگا وخت اس کہ دوبہ دار ءِ دزگیرکننگا۔ سہراب گوٹھ کراچی نا مسافر اسے آن 10 کلوگرام چرس دوئی کننگا ۔ چمکنی پشاور نا خڑک دوبہ دار اسے آن 5 کلوگرام چرس دوئی کننگا ۔ پشاور نا خڑک دوبہ دار اسے آن 4 کلوگرام چرس دوئی کننگا۔ لاہور اٹی مسہ دوبہ دارآن 1 کلوگرام ہفیم و 526 گرام چرس دوئی کننگا۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ نا رداٹ مقدمہ غاتے درج کرسا جاست وپاست نابناءِ کننگانے۔
