لاہور۔ 31 جنوری (اے پی پی) لاہور نا انسداد دہشت گردی نا خصوصی عدالت مسکوہی بنجائی وزیر حوالکاری چوہدری فواد حسین آ درج غٹ مقدمہ غاتیٹی اسہ وار آ دزگیری کننگ نا پرمان کرے۔ انسدادِ دہشت گردی عدالت نا جج محمد نوید اقبال فیصلہ ءِ بنفسا 9 مئی نا جے آئی ٹی نا سروک ءِ غٹ مقدمہ غاتا سرجم آتے تننگ و چوہدری فواد حسین آ درج غٹ مقدمہ غاتیٹی اسہ وار آ دزگیری کننگ نا پرمان کرے۔ سماعت اٹی فواد چوہدری نا کنڈآن ایڈووکیٹ ظفراقبال منگن عدالت اٹ پیش مس و موقف اختیار کرے کہ پولیس 9 مئی آن پد چندی مقدمہ غاتے نوشتہ کرینے، اسہ مقدمہ سے آن ضمانت آ رہائی مریک تو ایلو ٹی دزگیر کننگک، ، ہراسٹ آن پد ایلو مقدمہ ٹی دزگیر ی شاغنگک، درخواست گزار نا وکیل خواست کرے کہ عدالت 9 و 10 مئی نا مقدمہ غاتا سرجم آتے فراوان و فواد چوہدری آ درج غٹ مقدمہ غاتیٹی اسہ وار آ دزگیر کننگ نا پرمان کے۔
