کوئٹہ۔ 30 جنوری (اے پی پی) قاضی برادری نا سروک عبدالستار لاشاری ناکماشی ٹی ڈل انا پی بی 17 نا سوگو اومیتدار سینئر سیاستدان میر جان محمد خان جمالی تون کوٹ نور پورجمالی ٹی اوڑدہی کرے۔ اوڑدہی ٹی بلوچی حال احوال مس اوکان پد قاضی برادری نا سروک عبدالستار لاشاری قاضی برادری نا کنڈآن پی بی 17 نا اومیتدار میرجان محمد جمالی نا پورو مخ تفی نا پڑو ءِ کرے ہراڑآ پی بی 17 نا سوگو اومیتدار سینئر سیاستدان میر جان محمد خان جمالی میر عبدالستار لاشاری تون اوار قاضی برادری نا منت واری ءِ ہرفے ہرا کنا پبی مخ تفی نا پڑو ءِ کرینے۔ داوخت آ استاد غلام قادر لاشاری، میر فرید خان لاشاری، میر گہرام لاشاری، ڈاکٹر عبدالجبار لاشاری، محمد زمان لاشاری ، استاد عبدالخالق لاشاری ئسک ہم ساڑی ئسر۔ داکان بیدس میر عبدالستار لاشاری ڈاکٹر عبدالجبار لاشاری ئسک میڈیا نا نمائندہ غاتون گپ وتران کرساپاریر کہ مسکوہی وزیراعلیٰ بلوچستان پی بی 17 نا سوگو اومیتدار سینئر سیاستدان میر جان محمد خان جمالی نا کماشی وخت انا گرج ءِ، اونا سرسہبی آن پد علاقہ ٹی پورو بدلی بریک و ورناتے روزگار و مچ آ علاقہ ٹی شونہالی بریک ، پی بی 17 نا مخلوق آن خواست ءِ کہ 8 فروری آ’’ڈگی‘‘ آمہر خلسا میر جان محمد خان جمالی ءِ سرسہب کیر۔
