کوئٹہ۔ 30 جنوری (اے پی پی) چیئرمین اسٹینڈنگ کمیٹی پیٹرولیم و رسورسزو سیاسی و اقتصادی امور نا ماہر سینیٹر محمد عبدالقادر پارینے کہ ایران نا وزیرخارجہ حسین امیر عبداللہیان پاکستان آ سرمسنے تینا دورہ ٹی او ایران پاکستان بے چیٹی تے چٹفنگ نا کوشست کیک دہشت گردی ہڑتوم آ ملک آتا فریشان کن ویل اسے ہڑتوم آ ملک آتا بڑزکو کمامدارآک دہشت گرد آتا برخلاف اسیجائی لائحہ عمل آ ہم سجفرہ ہڑتوم آملک آتیٹی فرقہ وارانہ متشدد واقعہ غاتا سوب آن بے چینی ءِ ایران نا پاننگ ءِ کہ ایران اٹی مروک آ دہشت گردی نا واقعہ غاتیٹی ہرا دہشت گرد آک اوار ءُ اوفتے رکھ پناہ گاک بلوچستان اٹی ءُ وخت اس کہ پاکستان اٹی دہشت گردی کروک آتا رکھ پناہ گاک ایران سیستان اٹی ساڑی ءُ۔ داڑے جاری مروک اسہ بیان اسے ٹی سینیٹر محمد عبدالقادر پارینے کہ ایران نا وزیر خارجہ حسین امیر نا دا پاننگ کہ او پاکستان و ایران نا دشمن تے موکل تفک کہ او ہڑتوم آ ملک آتا سنگتی و امن ءِ ہدف کیر گچین ہمسائیگی ٹی ہی امن وایمنی و سوگوی ساڑی ءِ خیرخواہی نا وڑاٹ ایران اٹی پاکستان نا متعین سفیر مدثر ٹیپو ایرانی وزیرخارجہ ءِ رخصت کرے اومیت کننگ انگ ءِ کہ ایرانی کمامدارآک سراوان سانحہ نا ڈوہدار آتا برخلاف گچین کارروائی ءِ پک کیرہ ایرانی وزیر خارجہ ءِ داوڑنا باندات آتا جوانی اٹ ایسر اس باوقار کسر اس پٹوئی مریک۔ اوپارےکہ ایرانی وزیرخارجہ نا دا خصوصی دورہ ٹی ہڑتوم آملک آتا بڑزکوکمامدارآک دہشت گردی نا برخلاف جنگ و ہڑتوم آ کنڈآتا باندات آ گپ و تران کیرہ۔
