اسلام آباد۔ 30 جنوری (اے پی پی) پاکستان پیپلزپارٹی نا نائب صدر سینیٹر شیری رحمان پارینے کہ مچھ اٹی دہشت گرد آتا جلہو نا اخس مذمت ءِ کننگے کم ءِ، نن جلہو اٹی پولیس کارندہ غاتون اوار شہید مروک آ شاری تا خاہوت آتون یکجہتی نا درشانی ءِ کینہ۔ سے شنبے نادے آ‘‘ایکس’’ آ جاری بیان اٹی اوپارے کہ جلہو اٹی ٹھپی مروک آکارندہ و شاری تا زوت دراخ جوڑی کن دعاکینہ۔ جلہو ءِ بے سہب کننگ و اِرا دہشت گرد آتے خلنگ آ نن پولیس و سیکورٹی کارندہ غاتا منت واراُن۔ ننے تینا پولیس و فوج آپورو پت ءِ۔ اوپارے کہ ملک انا دشمن تا عزم ءِ مش تیٹی ملفنگ آقوم نمے آ گمر کیک۔ جلہو اٹی اوار کالعدم دہشت گرد تنظیم و دہشت گرد آتے سخت سزاتننگے۔ کس اسے ملک اٹی بے چیٹی تالان کننگ نا موکل تفننگک۔
