نگران وزیرڈٹ بندی نا کماشی ٹی دیوان اس اڈہلک، چار آرایف ڈیش بورڈ نا بناءِ کننگا

اسلام آباد۔ 30 جنوری (اے پی پی) نگران وزیر ڈٹ بندی  شونداری محمد سمیع سعید نا کماشی ٹی پالیسی اینڈ سٹریٹجی کمیٹی /اوور سائیٹ بورڈ پوسٹ فلڈ ریسیلینٹ ، ریکوری ، بحالی و پوسکن تفنگ نا فریم ورک (4 آر ایف) نا مسٹ میکو دیوان سے شنبے نادے آ اڈ ہلک۔ دیوان اٹی سیکرٹری اقتصادی امور ڈویژن (ای اے ڈی) ، گلگت بلتستان نا چیف سیکرٹری ، ورلڈ بینک انا کنٹری ڈائریکٹر ، ایشیائی شونداری بینک (اے ڈی بی ) نا کنٹری ڈائریکٹر ، یورپی یونین اسلام آباد نا کنٹری ڈائریکٹر یواین ڈی پی نا ڈپٹی ریذیڈنٹ ڈائریکٹر ، و نیشنل ڈیزاسٹر مینجمنٹ اتھارٹی (این ڈی ایم اے ) و ایلو ادارہ غاتا بڑزکو کمامدارآک بشخ ہلکر۔ سینئر جوائنٹ سیکرٹری وزارت ڈٹ بندی، تصدق حسین خان 4 آرایف نا نفاذ نا حالیت آتیا سرجم حوال تس۔ نگران وزیرڈٹ بندی باضابطہ وڑاٹ 4 آرایف ڈیش بورڈ انا ہم بناءِ کرے۔ داوخت آ سمیع سعید نا پاننگ ئس کہ 4 آر ایف ڈیش بورڈ نوکاپ نا بابت ڈٹ آتیا عملدرآمد آتیٹی شفافیت و کارکڑد ءِ پک کننگ کن اہم ءُ کڑ د اس اداکیک وخت اس کہ دا ڈیش بورڈ انا کمک اٹ نوکاپ نا بابت شونداری ڈٹ آتا بارواٹی حقی معلومداری ہم ملک۔